قصيدة مرحوم ياجد(ن)

عضو مجتهد

مرحوم ياجد(ن)

الله من قلبن عنا الوقت طاويه

طي الصحايف يوم تطوى الصحايف

مات الشعور وصار همّه يقدّيه

وصارت حياته بين كاره وعايف

على الذي يابوي روحي تناديه

جدن خذاه الموت والموت حايف

راح وتركني عايشن في رجاويه

أجر صوت الحزن بأعلى النوايف

أصيح وأشهق واتلعثم بطاريه

وأون من جمر الضلوع الهدايف

يا ويل قلبن ضايعاتن خطاويه

بين القبر والموت قط الكلايف

ضيم الدهر والغبن والهم كاويه

ولاباح مكنونه على كل هايف

ويا ويل عينن بأزرق الدمع تبكيه

لو انعمت يا بوي ماهي حسايف

يفداه من باع الأوادم لعينيه

ما قال في نفسه من الناس خايف

وتفداه روحن غرّبت مع شواطيه

تطوف قبره لو صدى الموت طايف

لأبقا بذكره لين قلبي يخاويه
وسط المقابر لين تطْوى الصحايف

تقبلوا تحياتي :

» قصيدة
» قصيدة هندية